شراء مصر لغواصة ألمانية يثير سخرية النشطاء (فيديو)

هاجم نشطاء مصريون على مواقع التواصل الاجتماعي نظام رئيس الانقلاب العسكري في مصر عبد الفتاح السيسي، لشرائه غواصة ألمانية من طراز "تايب209/1400".

وعبر وسمي " هنكتب على الغواصة الألمانية" الذي احتل المركز الثاني في قائمة أعلى الوسوم تداولا، ووسم "الغواصة الألمانية" الذي انضم للقائمة أيضًا عبّر المئات من النشطاء عن سخطهم مما وصفوه بـ " بيع أرض مصر لشراء سلاح" معبرين عن ذلك بـ"كوميكس" ساخرة وتعليقات لاذعة.

في هذا الصدد سخر أستاذ العلوم السياسية سيف عبد الفتاح قائلا: "وتعمل إيه الغواصة في وطن ضايع؟".

وقال الناشط وائل عباس: "طب السيسي مش هياخد لفة في الغواصة الجديدة أم تسعة مليار من فلوسنا ؟".

وانتقد الناشط محمد عثمان قائلا: "#حنكتب_علي_الغواصه نبيع الأرض تيران وصنافيرعلشان نعرف نحميكم، سحيح".

وعلق إبراهيم ناجي: "دولة عمرها 7 آلاف سنة مش قادرة تنتج سلاحها وغذاءها ودواءها، ولما حكم مصر رئيس قال لازم نمتلك الثلاث أشياء دول انقلبو عليه".

وغرد أحمد عبد الغفار: "دولة عمرها 7 آلاف سنة مش قادرة تصنع غواصة، بينما دول عمرها 100 سنة بتصنع الغواصة وتصدرها لأقدم دولة على الكرة الأرضية وعجبي!".

وأضاف نور إسلام: "والله شكلنا بقي عار واتفضحنا فضيحة اللي اتقبض عليهم في شقه دعارة! دولة عمرها 7 آلاف سنة (هيموتو) من الفرحة بسبب غواصة!".

وسخرت أسماء حجازي: "#حنكتب_علي_الغواصه صبح على الغواصة بجنيه". وقال محمد خفاجي: " #حنكتب_علي_الغواصه البلد بتشتري سلاح عشان تفض بيه المظاهرات وتقتل المعارضين، وجنودنا في #سيناء تعطيهم أسلحة خربانه قديمة عشان تقتلهم برضه".

وسخرت فاطمة حامد: "كل الناس نفسها تعرف السلاح اللي بنشتريه ده كله ليه اوعى تفتكر لزوم الحرب ابسلوتلي ده لزوم النيش بتاع الجيش وقربنا نكمله".


وسخر أيمن مصطفى: "راجعت نفسي ولقيت إننا اشترينا الميسترال والفرقاطة للعيش والحرية.. كان ناقصنا بس العدالة الاجتماعية وكملت بالغواصة".

وتساءلت شيرين ناصر: "السؤال إذا إسرائيل وافقت على شراء الغواصات  يبقى مصر اشترتها عشان تحارب مين؟  إيران مثلا؟ حزب الله؟".

وسخر أيضا محمد أحمد: "#حنكتب_علي_الغواصه احنا اللي بعنا الأرض عشان نجيب غواصة نحافظ بيها على الأرض، احنا بقينا ولا موجة كوميدي".

أما بعض النشطاء فقد علقوا بمقولات سجعية ساخرة فقال محمود نجيب: "#حنكتب_علي_الغواصه متبصليش بعين رضية.. ده أنا بعت فيها دهب الولية".

كذلك قال كريم أسامة: "ما تبصش كده يا عبيط، الحلوه دي بالتقسيط". وسخر حمادة مصطفى: "#حنكتب_علي_الغواصه التوربيد صابني ورب العرش نجاني".

وسخر حساب "عليه العوض" من شراء الغواصة بكوميكس ساخر ذكر فيه بيع جزيرتي تيران وصنافير".